کابل ټکی کام (سه شنبه، ۲۵ وری، ۱۴۰۵ل)
د مهاجرینو ستونزو ته د رسېدنې عالي کمېسیون دارالانشاء وايي، تېره ورځ د هېواد له بېلابېلو فرضي کرښو او لارو څخه ټولټال ۸۶۸ افغان کورنۍ په اجباري ډول هېواد ته راستنې شوې زياتوي چې د تورخم له لارې ۷۰۸، له سپین بولدک ۶۹، له نیمروز ۵۱ او له اسلام کلا ۴۰ کورنۍ هېواد ته راګرځول شوې دي چې د ثبت او تثبیت چارې یې ترسره شوې دي.
دغه راز په راپور کې راغلي چې یوازې له تورخم، سپین بولدک، نیمروز او کابل څخه ټولټال ۹۵۱ کورنۍ بېلابېلو ولایتونو ته انتقال شوې دي او د ټرانسپورټ په برخه کې نږدې ۳.۹ میلیونه افغانۍ کرایه ورکړل شوې ده.
دارالانشاء زیاتوي چې په همدې ورځ د ۷۶۶ کورنیو سره نغدي مرسته شوې، ۸۳۹ سیمکارتونه وېشل شوي او زرګونه کسانو ته روغتیايي خدمات وړاندې شوي دي.
