کابل ټکی کام (پنجشنبه، ۳ غویی، ۱۴۰۵ل)
د انصارالله اسلامي غورځنګ مشر “عبدالملک بدرالدین حوثي” په یمني ځواکونو او سیمه کې د مقاومت محور ډلو باندې غږ کړی، چې د یوې اوږدمهالې جګړې لپاره بشپړ چمتوالی ونیسي.
نوموړي په خپلو وروستیو څرګندونو کې ټینګار کړی، چې اوسنی وضعیت د جدي مقابلې غوښتنه کوي او اړینه ده چې ټول ځواکونه په منظم ډول د هر ډول احتمالي سناریو لپاره تیار وي.
حوثي زیاته کړې، چې د مقاومت محور باید خپل ههمغږي پیاوړې کړي او د اوږدې مبارزې لپاره لازم تدابیر ونیسي.
دا څرګندونې په داسې حال کې کېږي، چې په سیمه کې سیاسي او پوځي ترینګلتیاوې لا هم دوام لري او د احتمالي پراخې جګړې اندېښنې زیاتې شوې دي.
