کابل ټکی کام ۱۱حمل/۱۳۹۵، احمدالله مهاجر
د افغانستان دفاع وزارت پرون سې شنبه اعلان کړه، چې د امریکا A-29 ډوله سوپرتوکانو جنګي الوتکې به د افغانستان هوايي ځواک د مخالفو ډلو په وړاندې په جګړو کې لا پیاوړی کړي.
د دفاع وزارت په خبرپاڼه کې راغلي دي، دا د هغو شلو الوتکو څخه دي، چې څلور الوتکې یې امریکا افغانستان ته وړاندې ورکړې وې، او پاتې نورې به یې تر ۲۰۱۸میلادي کاله پورې افغان پوځ ته ورکوي.
د یادولو ده، امریکا افغان پوځ ته په داسې حال کې دغه الوتکه ورکوي، چې وړمه ورځ هم طالبانو په کونړ ولایت کې د افغان ځواکونو یوه الوتکه راغورځولې وه.
