د پاکستان سوات کې ناپېژانده وسله والو یو پولیس افسر وژلی
کابل ټکی کام ۲۴حمل/۱۳۹۵، هلال خاورې
د پاکستان د خیبرپښتونخوا په سوات کې نن د ناپېژانده وسله والو له لورې یو پولیس افسر وژل شوی دی.
خبري رسنیو خبر ورکړی دی، چې د سوات د شانګله پار سیمې یو پولیس افسر (ډي اېس پي) محمد الیاس د نا پېژانده وسله والو له لورې د ډزو په مټ وژل شوی دی.
خبرونه وایي، محمد الیاس چې د خپل ساتونکي سره د سوات مرکزي بازار مېنګوري ته راغلی وو، د سبزیو منډيي په سیمه کې وژل شوی دی.
د خبرونو پر اساس چې په پېښه کې ډي اېس پي محمد الیاس وژل شوی، او ساتونکی محمد یوسف یې ټپي شوی دی.
له پېښې څخه وروسته پولیس د پېښې ځای ته ورغلي دي، او د ناپېژانده وسله والو د لټون په موخه یې عملیات پيل کړي دي.
