د روسیې دفاع وزارت: سوریه کې د روسیې د وسله وال پوځ یوه جنګي چورلکه غورځېدلې
کابل ټکی کام ۲۴حمل/۱۳۹۵، سمسور ګیلاني
د روسیې دفاع وزارت خبر ورکړی دی، په سوریه کې د دوی د وسله وال پوځ یوه جنګي چورلکه غورځېدلې ده، چې دوه پیلوټان پکې وژل شوي دي.
د روسيې د دفاع وزارت د دفتر له لورې په خپره شوې خبرپاڼه کې راغلي دي، چې دغه چورلکه د سه شنبې په شپه د سوریې په حمص ښار کې غورځېدلې ده.
په اعلامیه کې دغه چورلکه Mi-28N ډوله یاده شوې ده.
اعلامیې لیکلي دي، چې چورلکه په ډزو ویشتل شوې ده، چې وروسته یې اور واخیست، او وغورځېدله.
«د الوتکې د غورځېدو په پېښه کې دوه پيلوټان وژل شوي دي، چې جسدونه یې په هوايي ډګر کې اېښودل شوي دي.»
