د چابهار بندر هوکړه به تر راتلونکې دوه میاشتو پورې امضاء شي

کابل ټکی کام هاشمي عبدالله
د چابهار بندر پرېکړه لیک متن چې د افغانستان، ايران او هندوستان ترمینځ د نړیوال تجارت لپاره د یوه دهلیز شکل لري، تر راتلونکي دوه میاشتو پورې امضاء شي.
ددغه پرېکړه لیک متن چې د درې واړه ملکونو د چارواکو له لوري تیار شوی ده، د هندوستان د بهرنیو چارو وزارت کې د درې واړه ملکونو د نماینده ګانو له لوري تاييد شو.
د افغانستان د بهرنیو چارو وزارت وايي چې د بهرنیو چارو وزارت ، د تجارت او صنایع وزارت، ټرانسپورټ ریاست، ملکي هوانوردۍ، د رېل پاټلۍ او د سفارت د نماینده ګانو شتون په نوي ډيلي کې د همدې لپاره دی چې مشري یې وحیدالله ویسي کوي.
د چابهار بندر چې د ایران په جنوب شرق کې د بلوچستان په سیستان ایالت کې پروت ده ددې لپاره په کار اچول کیږي ترڅو د افغانستان په شمول د سیمې نور هېوادونه تجارتي ګټه ترې واخلي .
افغانستان چې جغرافیایي جوړښت له یو لړ مشکلاتو سره مخ کړی دی، له یاد بندر سره به یې زیاتره مشکلات حل شي.
که چیرې چابهار بندر څخه افغانستان کار واخلي نو د هېواد اقتصاد به ورسره ډېر پرمخ ولاړ شي.