سوډان کې د تېلو ټانکر انفجار په پېښه کې ۱۹۳ تنه وژل شوي دي
کابل ټکی کام ۲۹وږی/۱۳۹۴
راپور: محمد سمیع سعادت
سوډان کې د تېلو د ټانکر په یوه چاودنه کې ۱۹۳ تنه وژل شوي او ګڼ شمېر نور ټپیان شوي دي.
د «ریانووستي» خبري چینل د خبر په حواله سوډان کې دغه پېښه هغه مهال رامنځ ته شوه، کله چې لومړی په ټانکر اور ولګېد او بیا يي چاودنه وکړه.
سرچينه وايي لومړی د وژل شویو شمېر ۱۸۲ تنه وو، چې ۱۱ تنو نورو د ژورو ټپونو له امله ژوند له لاسه ورکړ.
د یادونې وړ ده چې د سوډان حکومت د دغې لويې غميزې له امله درې ورځنی ملي ماتم اعلان کړ .
