کابل ټکی کام ۳۰وږي/۱۳۹۴
راپور: فرید احمد
وروسته له هغه چې سیاف په کابل کې د استاد رباني د تلین په مناسبت په یوه جوړه شوې غونډه کې د طالبانو او د کابل مېشتو اسلامپالو په خلاف تنده لهجه وکاروله، نن ورځ طالبانو د کابل ولايت په پغمان ولسوالۍ کې د نوموړي جنګ سالار مرکز په توغندیو ويشتلی.
دا مرکز سیاف د خپلو بدمعاشانو لپاره چې دده وراره ممتاز یې مشري کوي جوړ کړی او نوي ځوانان پکې تربیه کېږي، چې همدې مرکزونو د کابل ښاري امنیت له ستونزو سره مخ کړی دی.
ویل کېږي چې په برید کې ۶ هغه مهم غله وژل شوي دي چې د کابل ښار په اکثرو وژونو او لوټمارۍ کې یې لاس درلود.
