کابل ټکی کام یکشنبه فرید احمد
یو شمېر نړیوالو خبري رسنیو خبر ورکړی دی، چې د عراق د المثنی ولایت مرکز السماده ښار کې چاودنو ۲۳ کسان وژلي، او څه د پاسه څلوېښت نور يې ټپیان کړي دي.
سکائی نیوز ټلویزیون خبر ورکړی دی، چې نن د عراق د المثنی ولایت مرکز السماده ښار کې دوو موټر بم چاودنو ۲۳ کسان وژل شوي، او څلوېښت نور ټپیان شوي دي.
ویل کیږي، د یو شمېر ټپیانو روغتیايي حالت نازک دی.
د دغه خونړيو دوو چاودنو پړه هم د داعش ډلې په غاړه اخیستې ده.
د یادولو ده، چې له پرون راهیسې د عراق پلازمینه بغداد کې حالات ترینګلي شوي دي.
تېره ورځ په ټولنیزو رسنیو کې ویل شوي وو چې د چاودنو او د دغه هېواد پارلمان ته د شیعه مظاهره کوونکو د ننوتلو له کبله بېړنی حالت اعلان شوی دی.
