لیکنه : بدرمنصور
اسلام د ژوند په هره برخه کي لار ښووني او قیودات لري مسلمانان عقلونه لري د حیواناتو او مشرکو انسانانو په څېر ايلکي او کوڅه درب نه دي، دا چي انسانان الله (ج) پیدا کړي دي/نو الله (ج) د خپل استازي په توسط یو قانون (قرآن) هم ورته رالېږلی دی، که انسانان د دې قانون پیروي وکړي نو همېشه به کامیاب وي! او که د دې قانون څخه بهر قدم ږدي نو معلومه خبره ده چي ځان هلاکت ته غورځوي!
د اسلام له نظره مسلمانان د انټرنيت په شبکو کي هم بلکل آزاد نه دي د لادينه سيکولرانو ليکني، تبليغات، او د اسلام په مقابل کي عقلي دلائل، جواز نه لري چي مسلمانان يې وګوري یا واوري، او که يې ګوري نو د اسلام د دفاع او دمسلمانانو د خبرتیا په خاطر به وي!
اوس مهال د انټرنيټ په شبکو بالخصوص په فېسبوک کي لادينه سيکولر خلګ نشرات کوي داسلام پر ضد عقلي دلائل وايې، خو زموږ ځيني ساده مسلمانان چي علمي کچه يې کمه وي د دوی په عقلي د لائلو غوليږي او په دې هم نه پوهيږي چي زه مسلمان یم او د بې دينو ليکني کتل ماته جواز نه لري!
اې مسلمانانو که فېسبوک استعمالوئ/نو د شريعت په چوکاټ کي يې استعمال کړئ د بې دينو خلګو ليکني ستاسو عقيدې او ایمان ته ضربه رسوي، همدا وجه ده چي زموږ اکثر علماء کرام د انټرنټي شبکو څخه کرکه کوي، که انټرنټي شبکې په ښه او شرعي توګه استعمال شي بیا يې هيڅوک مخالفت نه شي کولای، دغه لاندي کرښي د یوه کافر سيکولر دي راځئ د اسلامي شريعت په تله يې وتلو!
(ښایسته ساز، ښایسته آواز او ترنم اورېدل ستاسې فطري اړتیا ده. موسیقي د افراطيت ځپلې اروا علاج دی. موسیقي اورئ چې مزاج مو اعتدال ته راځي.)
خو اسلام ته غوږ شئ: …..
رسول الله (ص) فرمايي چي موسيقي ستاسو په زړونو کي داسي نفاق (منافقت) شين کوي لکه څنګه چي اوبه شينګیاه شنه کوي،
خو دا سيکولر يې فطري اړتيا بولي!
اسلام د اعتدال دين دی او موسيقي اورېدل تفريط دي،
خو دا کافر اسلام افراط او موسيقي اورېدل اعتدال بولي!
اسلام موږ د موسيقي له اورېدلو منع کوي او دا هم راته واي چي د مسلمان لپاره په جنت کي موسيقي شته،
خو دا د کلیسا بچی مسلمانان د موسیقي په اورېدلو امر کوي!
د اسلامي شريعت له نظره …….اسلام افراط بلل، تفريط اعتدال بلل، د اسلام په نواهي امر کول،……صريح کفر دی!
اسلام داسي وايې …
قرآن اورېدل ستاسي فطري اړتیا ده!
قرآن مو د افراط او تفريط څخه د اعتدال په لور بیايې!
قرآن مو د همېش لپاره د زړه حزن، اندېښنه، او خپګان له مينځه وړي!
