کابل ټکی کام ۱۵غويي/۱۳۹۵، احمدالله مهاجر
په دې تېرو کې افغان حکومت له پاکستان څخه غوښتنه کړې وه، چې په خپله خاوره کې دې افغان طالبان وځپي، مګر د پاکستان د بهرنیو چارو د سلاکار له لورې د افغان حکومت دغه غوښتنه رد کړی شوه.
د دې غوښتې د رد کېدو سره سره اوسمهال یو ځل بیا افغان حکومت له پاکستان څخه د طالبانو د ځپلو غوښتنه کړې ده.
افغان حکومت د سرتاج عزیز دغه څرګندونې رد کړي دي، او ویلي یې دي، چې دوی دې په څلور اړخیزو غونډو کې پر کړیو ژمنو عمل وکړي.
سرتاج عزیز پرون په اسلام اباد کې یوې خبري غونډې ته د وینا پر مهال دا هم ویلي وو، چې افغان چارواکو د سولې د خبرو د سمدستي پیلېدو، او په تاوترېخوالو کې د کموالي تمه درلوده، مګر برخلاف طالبانو په ټول هېواد کې نوي پسرلني عملیات پیل کړل، او مذاکرات ونه شول.
د یادولو ده، وړاندې به ولسمشر غني د سولې د خبرو لپاره پاکستان ته سفرونه کول، مګر څو ورځې وړاندې یې پارلمان ته د وینا پر مهال وویل، چې نور له پاکستان څخه د سولې تمه نه لري.
