کابل ټکی کام ۰۱میزان/۱۳۹۴
راپور: انصار
د یمن دفاع وزارت په یوه خپره کړل شوې خبرپاڼه کې ویلي دي چې د انصارالله ځواکونو د عربستان په جنوبي سیمه د درنو وسلو او هاوان په وسیله برید کړی دی.
د پرېس ټلویزون د راپور له مخې یمني ځواکونو د سعودي سره د جیزان په ګډه پوله په عربي خاوره کې د سعودي پوځیانو په پوځي پوستو بریدونو کړي دي چې پکې د یوه سعودي پوځي افسر په شمول دوه عسکر وژل شوي دي.
د یمن دفاع وزارت وایي، یمني پوځیانو د عربستان د بې رحمه هوایي بریدونو په بدل کې پر سعودي برید کړی دی چې د سعودي هوايي ځواکونو په پوره بې رحمیو سره په تېرو څلورو ورځو کې د یمن ۲۳۰تنه ملکي وګړي وژلي دي.
