ننګرهار کې د پارلمان پر يوه وکيل چاودنې نوموړی ژوبل کړی دی
كابل ټکی کام ۰۴میزان/۱۳۹۴
راپور: قدرت الله حسین
په پارلمان کې د ننګرهار د خلکو پر استازي انجنير غفار نن په جلال آباد کې په شوي بريد کې نوموړی له خپلو ۴ ساتونکو سره ټپي شوی دی.
د ننګرهار د ولايتي شوری يوه غړي ذبيح الله زمري رسنيو سره په خبرو کې ويلي دي، چې نن سهار د جلال اباد ښار د څلورمې امنيتي حوزې اړوند په تورخم اډه کې د انجنير غفار پر موټر د سړک د غاړې ماين وچاود.
د زمري په وینا په چاودنه کې انجنير غفار خپله يوه پښه له لاسه ورکړې ده او څلور نور ساتونکي يې ټپيان شوي دي.
پوليسو تر دې دمه د پېښې په اړه څوک نه دي نيولي او نه هم د پېښې پړه تر دې دمه کومې ډلې پر غاړه اخيستې ده.
