ترکیه کې د بس د چپه کېدو له کبله، ۱۴ کسان وژل شوي
کابل ټکی کام ۱۷غبرګولي/۱۳۹۵، سمسور ګیلاني
د ځايي رسنیو د راپورونو پر اساس، چې د ترکیې په عثمانیه ښار کې د یوه ښوونځي د بس د چپه کېدو له کبله ۱۴ کسان وژل شوي دي.
خبر وايي، دغه بس له تفریح څخه بېرته د ستنېدو په حال کې وو، چې په لاره کې له یوه بل موټر سره ټکر شو، او سیند ته وغورځېدو.
د خبر پر اساس، چې د دغې پېښې له کبله په بس کې سپاره ۱۴ کسان وژل شوي دي، او ۲۶ نور ټپيان دي.
وژل شوي ټول ښوونکي او زدکوونکي دي.
ترافیکو د پېښې لامل د موټر چلوونکو بې احتیاطي ښودلې ده.
