افغانستان کې به د البانیايي عسکرو شمېره دوه برابره شي
کابل ټکی کام ۲۷غبرګولي/۱۳۹۵، احمدالله مهاجر
د البانیا د دفاع وزارت له لورې په خپره شوې خبرپاڼه کې راغلي دي، چې په افغانستان کې به د البانیايي عسکرو شمېره دوه برابره شي.
د البانیا دفاع وزیر تېره ورځ د ناټو د دفاع وزیرانو په غونډه کې ژمنه وکړه، چې په افغانستان کې به د خپلو پوځیانو شمېره دوه برابره کړي.
د ناټو سرمنشي ینس سټولتنبرګ هم د البانیا د دغې پرېکړې هرکلی وکړ.
د یادولو ده، چې دا مهال په افغانستان کې البانیا د غوڅ ملاتړ د ماموریت په چوکاټ کې دوه څلوېښت پوځیان لري.
