باميان: د کهمرد ولسوال د خپلو ساتونکو لخوا وژل شوی
کابل ټکی کام۱۳۹۵ غبرګولی ۲۷ زرغون خوږیاڼی
ولسوال سیغاني د بامیانو له مرکز څخه کهمرد ولسوالۍ ته پر لاره وو، چې د خپلو ساتونکو لخوا وژل شوی دی.
د بامیان امنیه قومندان عبدالمبین ایزدیار د پېښې پخلی کړی دی او رسنیو ته یې وویل: د کهمرد ولسوال هادي خان سيغاني هغه مهال د خپلو دوو ساتونکو لخوا ووژل شو، چې د باميانو له مرکز څخه د کهمرد پر لور روان و.
سرچینو تائيد کړې، چې ولسوال پر ډزو وژل شوی دی.
امنیه قومندان وایی: «پېښه تېره شپه لس بجې د سيغان ولسوالۍ سوخته چنار سيمه کې رامنځته شوې ده».
امنیتي سرچینې وايي، چې د سیغاني ولسوال ساتونکي نیول شوي او پر خپل جرم یې اعتراف کړی، خو دا نه ده جوته شوې، چې نوموړی ولسوال ولې د خپلو ساتونکو لخوا وژل شوی دی.
