کابل ټکی کام۱۳۹۵ غبرګولی۲۸ زرغون خوږیاڼی
د فراه ولایت امنیتي چارواکو خبر ورکړی، چې د المار ولسوالۍ له قرايي سيمې څخه امنیتي ځواکونه د یوې جګړې په ترڅ کې تښتیدلي دي او دغه سیمه چې څلویښت کلي لري طالبانو نیولې ده.
د فارياب امنيه قوماندان سيد اغا اندرابي رسنيو ته ويلي: «د خير الله قرايي په مشرۍ د پاڅونوالو په شا تگ دغه سيمه د طالبانو لاس ته ولوېده».
نوموړي وویل: دا پېښه تېره شپه رامنځته شوې ده.
همدارنګه اندرابي ویلي، چې د پاڅون کوونکو مشر خیرالله قرايي منلې ده، چې طالبانو ترې اته رېنجر موټر او دوه ټانکونه هم نيولي دي.
ښاغلي اندرابي رسنیو ته وویل، چې د پاڅون کوونکو دغه قوماندان د دوو سوو کسانو وسله، مهمات او اعاشه ترلاسه کوله، خو سيمه کې يوازې څلوېښت تنه و او د سيمې خلک هم د ياد قوماندان له زورونو او خپلسریو ناخوښ وو.
اندارابي ویلي،چې دې سیمې کې د امنیتي ځواکونو نه همغږي ددې لامل شو، چې په سیمه کې ځای پر ځای شوي امنیتي ځواکونه شاتګ وکړي، ((یو قومندان ته امتیاز ورکوي او بل قومندان تهدید کیږي نو له همدې کبله د پاڅون کوونکو زړونه مات شوي)).
طالبانو تېر کال هم دغه سيمه نيولې وه، چې د قومي مشرانو په وينا امنيتي ځواکونو بېرته د درنو تلفاتو په ورکولو ونيوله.
تر اوسه طالبانو په دې اړه رسنیو ته څه نه دي ویلي.
