طالبان: کابل کمپنۍ سیمه کې مو د پوليسو درې افسران وژلي
کابل ټکی کام ۱۳۹۵ چنګاښ ۱ زرغون خوږیاڼی
طالبانو خبر ورکړی، چې تیره شپه شاوخوا ۹ بجې د کابل ولایت کمپنۍ سیمه کې ددوی ملګرو په پولیس افسرانو ناڅاپي برید وکړ.
خبر زیاتوي، چې د برید په پایله کې ۳ پولیس افسران ځای پر ځای ووژل شول.
طالبانو د برید مسؤليت منلی او ویلي یې دي، چې یاد پولیس افسرانو په کورنیو چارو وزارت کې دندې ترسره کولې.
طالبانو د وژل شوو افسرانو د کورنیو چارو د وزارت کارتونه او هویت هم نشر کړی دی.
تر اوسه امنیتي چارواکو د یادو افسرانو د وژلو په اړه رسنیو ته څه نه دي ویلي.
