کابل غږ
په افغانستان کې دبهرنيوديرغلونو بدمرغیو،ټبریزوشخړواوډغروله امله افغانان په پردیومرستوپايي اوژوند ېې تراوسه پورې خپل عادي حالت ته نه دى راګر ځيدلى له کومې ورځې چې افغانانو دخپل هيواد جوړونې ته هوډکړى دښمن په يوه اوبل نامه سره له ژونده لاس پرسر کړيدي.
که څه هم په افغانستان کې دمخه هم کارونه دومره نه وو چې دچا ژوندپرې هوسا شوى واى يوه اوبل هېواد ته به دخوارۍ او غريبۍ پسې روان وو خو دکله نه چې کمونستي کودتا پيل شوه او ترهغې راوروسته سیمه ییزاوبهرنی غرضي لاسونه وراږده شول افغانانو دښې ورځې مخ نه دى ليدلى .
افغانستان دډيرو بې وزلو هېوادنوڅخه ياديږي له بده مرغه تراوسه پورې ديوه سالم نظام خاوندان نه شول نه ېې په هېوادکې خوکفا ژوندوکړ او نه ېې دهېوادونوسره سيالي برابره شوه چې دټول دوخت دواکمنودکړونوپه اورکې سوزي.
پرافغان ولس ډير ې چپه ميچنې خپلو او پردو دواړو وګرځولې ، کمونستي بيدينۍ، ديوشميرکسانو جهادي خپلسري، او دا اوس پرملي شتمنیو اومعدنونو لوټ مار د ا ټول هغه څه دي چې افغان ولس ېې دبريښنا دڅرک پسې ړوند کړ.
په کوم هېوادکې چې واکمن د ولس لپاره بريښنا نه شي برابرولى هغه هېواد ولس ژوندي نه بلکه په مړه ولس ياديږي.
له بده مرغه افغانان پدې ١٥کالوکې چې د ډالرو باران پرې ووريده دخپلې بريښنا خاوندان نه شول لکه څرنګه چې په افغانستان کې بريښنا ورکه ده دارنګه افغانان هم ورک دي څوک په يوه او څوک په بل هېوادکې دپيغورونو ،بې غزتۍ او خنداګانوډک ژوند تيروي.
