کابل ټکی کام ۱۳۹۵ چنګاښ ۸ زرغون خوږیاڼی
په تخار ولایت کې یو پلار له خپلو دوو پیغلو لوڼو سره جنسي تیری کړی، چې ځوی یې پرې خبر شوی، له خپل پلار څخه یې په چاقو سره سر پرې کړی.
کومو نجونو سره چې جنسي تیری شوی یوه ۱۶ کلنه او بله ۱۸ کلنه ده وايي، چې پلار ورته ګواښونه کول او په زور یې ورسره نامشروعې اړیکې نیولې.
د تخار ولایت امنیتي چارواکي رسنیو ته د وژل شوي کس نوم باقي ښيئ چې ۵۰ کلن دی او وايي، کله چې یې ځوی له یاد عمل څخه ورباندې خبر شوی نو یې په چاقو سره سر ترې پرې کړی.
یاده پیښه تیره شپه ناوخته رامنځته شوې.
د دې ولایت د امنیې قوماندان نورمحمد حکیمي وايي، چې قاتل تیښته کړې، خو دواړه خویندې او مور یې د پولیسو سره په بند کې دي.
د حکیمي په وینا، دا پیښه د تخار مرکز د تالقانو ښار په پوست خور کلي کې رامنځته شوې ده.
د تخار امنیه قوماندان وايي، چې تر اوسه د پیښې حقیقت مبهم دی او دوی په دې اړه خپلې څیړنې پیل کړي دي.
همدارنګه د دې ولایت د عامې روغتیا ریاست رییس ډاکټر حفیظ صافی پیښه تاییدوي او وايي، چې د وژل شوي کس سره له تنې نه په “وحشتناک” ډول د چړې په وسیله غوڅ شوی دی.
له کله نه چې په هیواد کې د دیموکراسي ازاد قانون پلی شوی دا ډول حیرانوونکي او غیر اسلامي پېښې ډېرې مخې ته راځي.
