کریکټ: د افغانستان د راتلونکو لوبو مهالوېش

کابل ټکی کام ۱۳چنګاښ/۱۳۹۵، ارین خان
د افغانستان کریکټ بورډ وایي، چې افغان ملي لوبډله به د جولای په ۴مه نېټه د دوشنبې په ورځ له سکاټلنډ، ایرلنډ او هالنډ په وړاندې میدان ته ووځي.
د افغانستان د کريکټ بورډ په وینا چې ملي لوبډله به د لومړیو دوو مسابقو لپاره د سکاټلنډ په وړاندې د دغه هېواد کوربه توب کوي.
افغان لوبډله به د سکاټلنډ په وړاندې لومړۍ یوه ورځنۍ مسابقه د جولای په ۴مه نېټه کوي، او دویمه به د جولای په شپږمه نېټه وکړي.
د دغو دواړو مسابقو د پیلېدو وخت د سکاټلنډ هېواد د سهار په ۱۰:۴۵ بجې ښودل شوي دي.
افغان ملي لوبډله به همدا راز د ایرلنډ سره پنځه یو ورځینۍ مسابقې کوي، چې لومړۍ سیالۍ به د جولای په ۱۰مه نېټه، دویمه سیالۍ به د جولای په ۱۲مه نېټه، درېیمه سیالۍ به د جولای په ۱۴مه نېټه، څلورمه سیالۍ به د جولای په ۱۷مه نېټه او پنځمه سیالۍ به د جولای په ۱۹مه نېټه ترسره کړي.
د دغو پنځو واړو سیالیو د پیلېدو وخت د سکاټلنډ هېواد د سهار په ۱۰:۴۵ بجې ښودل شوی دی.
او افغان لوبډله به د جولای له ۱۹ مې نېټې څخه د اګست میاشتې تر لومړۍ نېټې پورې له هالنډ ټیم سره څلور ورځینۍ سیالۍ ترسره کړي.