مکه معظمه کې د زیاتې ګڼې ګوڼې له کبله ۱۸ کسان ټپيان شوي

کابل ټکی کام ۱۳چنګاښ/۱۳۹۵، سمسور ګیلاني
د سعودي عربستان رسنیو ویلي دي، چې د مکې معظمې په مسجد الحرام کې د زیاتې ګڼې ګوڼې له کبله ۱۸ کسان ټپيان شوي دي.
ویل کیږي، دغه پېښه هغه مهال رامنځته شوه، چې د رمضان میاشتې په مناسبت په دغه ځای کې د زیارت لپاره راټول شوي وو.
یوې سرچینې رسنیو ته ویلي دي، چې د پېښې ځای ته د ټپيانو د درمل لپاره مرستې رسول شوي دي.
دغه لومړی ځل نه دی، چې په سعودي عربستان د ورته پېښو له کبله زیارت کوونکي وفات، یا ټپيان کیږي.
د یادولو ده، تېر کال هم په مکه معظمه کې د حج د مناسکو پر مهال د زیاتې ګڼې ګوڼې له کبله له ۲۰۰۰ زیات زیارت کوونکي شهیدان شول، او یو شمېر نور ټپيان شول.