شبیراحمد عثماني
په ټوله نړۍ کې سیاسي مشران له انتخاب وروسته خپلې کورنۍ او پلویانو دا امیدونه ورکوي چې له دې وروسته به زمونږ په او ستاسو په ژوند کې یو مثبت بدلون راځي ددې ترڅنګ په یوه خاص انداز کې داسې نمائشي حرکتونه کوي چې د خلکو د ژبو پرسر شي.
اشرف غني احمدزي د انتخاباتي کمپائن پروخت هم داسې ډیرې څرګندونې کولې چې که مشر شوم ستاسو په دسترخوان کې به مثبت بدلون راولم پداسې حال کې چې دا هیڅکله د چا په توان کې نده ځکه چې د رزق ذمه وار الله تعالی دی نو دا کار دالله تعالی دی خو ده به ده شاید د خدایي دعوی کوله. هر ولایت ته به چې لاړ هلته به یې خلکو ته تطمیع کوونکي ژمنې ورکولې. ( زه به ستاسو ولایت په ستر تجارتي مرکز بدل کړم ، زه به ستاسو لپاره دا داد او ها کوم ټول وطن به باغ باغ کړم، هیڅ یې دا نه ورسره ویل چې که خدای کول. تاسې د ده د انتخاباتي کمپائن تقریرونه واورئ بیا به هرڅه درته یاد شي.
جانکیري چې کله د ده ریاست منظور او اعلان کړ نو بیا یې یو لړ نمایشي حرکات هم پیل کړل ، په ارګ کې یې د یوڅه وخت لپاره معدنې اوبه څښل بند کړل ، اشپزخانې یې کمې او کنترول کړې، د عامې روغتیا شفاخانو او …. ته په نا خبرۍ کې لاړ او ………
خو د دې ټولو سره سره یې هیڅکله دا ونه ویل چې زه به د دې هیواد او اسلام لپاره له خپله ځانه هم تیر یم.
په نوره نړۍ کې هم د مشرانو داسې ډیرې بیلګې شته، د بنګلدیش د زراعت پخوانۍ وزیر او د جماعت اسلامي اعدام شوي مشر به تنها روان و له بزګرانو سره به لیدنې کتنې کولې د دوی نظریات به یې اوریدل او د بزګرانو د ښیګڼې لپاره به یې د توقع پرخلاف زیات او ښه کارونه کول، د کیوبا مشران هم دا سې ډیرې بیلګې لري چې اوس یې د کیوبا په تاریخ کې ځای موندلی دی.
خو زمونږ مشران ؟؟؟!!! الله اکبر داسې بیلګې لرې چې د نړۍ هیڅ مشران یې نلري که ووایو چې د خلفاءراشدینو وروسته بیا په اوسني عصر کې یوازې زمونږ مشران دي چې د ژوند او کړنو باب یې ساری نلري.
د طالبانو د اسلامي تحریک مؤسس او اولینی مشر ملا محمد عمر مجاهد یواځینی مشر و چې د دې زمانې فرعون جورج ډبلیو بش ته یې وویل چې یو د الله امر دی او بل د ستا امر دی مونږ د الله امر منو خو ستا دا نه منو. د امریکایي یرغل وروسته چې ملا محمد عمر مجاهد رحمه الله پوره دیارلس کاله له خپلې کورنۍ بیل و . ده یې وجه دا ښودلي وه چې زه اوس د خپلې کورنۍ مشر نه یم بلکې د ټول اسلامي امت امانت یم که زه لږه بې احتیاطي وکړم دا به مې د ټول اسلامي امت سره خیانت کړی وي. په دیارلسو کلونو کې نه پاکستان ته لاړ او نه ایران ته، او نه یې هم د دغو هیوادونو جوړې شوي دوایانې وخوړې بلکې د خپل هیواد د شاتو او یوناني( د بوټو او جړو) دوایانو په واسطه یې خپله معالجه کوله.
د امریکا او کفري نړۍ له پوځي یرغل وړاندې د سعودي عرب ، پاکستان، قطر او ځینو نورو اسلامي هیوادونو استخباراتي او روحاني مشران پدې هیله کندهار ته راغلل چې ګوندې زمونږ خبره ومني او اسامه بن لادن امریکا ته وسپاري. خو مرحوم مشر په ډیر لوړ شهامت ورته وویل چې تاسې ما ته یوه داسې بیلګه وښیئ چې مسلمانانو دې کوم مسلمان کافرانو ته په لاس ورکړي وي یوه تن ورته وویل چې نبي کریم صلی الله علیه وسلم دا کار کړی دی، مرحوم ملاصیب ورته وویل چې هغه وخت له مشرکانو سره همداسې تړون شوی و چې که له تاسې کوم څوک مسلمان شو او مونږ ته راغی بیا به یې تاسې ته په لاس درکوو – خو زمونږ او د امریکایانو ترمنځ کوم تړون او معاهده شتون نلري. هغوی ټول بې ځوابه پاتې شول . د سعودي، قطر او پاکستان علماؤ او استخباراتي مشرانو له دې مجلس وروسته پخپلو کې سره وویل: هغه ایمان چې په ملا محمد عمر مجاهد کې شته په اوسني زمانه کې یې څوک نلري.
داسې لسګونه بیلګې یې نورې هم شته. د مشر ملاصیب له وفات وروسته چې کله ملا اخترمحمد منصور تقبله الله د مشرتوب ذمه واري پر غاړه واخیسته داسې یو حالت و چې ترڅو له سره تیر نشي څوک دا مشرتوب نشي کولی ځکه چې له مشر ملا صیب رحمه الله څخه چې کوم رسالت پاتې و هغې پخپله دا ایجاب کاوه چې باید له سره تیر مشر مشرتوب پر غاړه واخلي. داسلامي امارت له مشرانو نه د یو تن په ملاقات مشرف شوم په ځینو موضوعاتو مو خبرې سره کولې دې مشر راته وویل چې مونږ کله د دې موضوع په اړه پریکړه وکړه او شهید امیرالمؤمنین ته مو خپله پریکړه واوروله نو ده راته وویل: دا کار قرباني غواړي ، دا چې تاسې پریکړه کړیده نو زه به حتما دا قرباني ورکوم او زه له قربانۍ ورکولو څخه نه په شا کیږم. دادی ومو لیدل چې منصورصیب خپله قرباني ورکړه مګر د مشر ملاصیب له مسیر څخه یوه ملي قدر هم پر شا نشو.
اوسنی مشر شیخ الحدیث هبة الله اخند زاده صیب حفظه الله چې پر دیني علومو مالامال او د نظامي ډګر یو زړور مجاهد دی له مشرتوب وړاندې داسې کردار لري چې ډیر کم خلک به یې ولري. داسې خبر شوی یم د شیخ صیب حفظه الله یو زوی چې د فدایي عملیاتو اراده یې درلوده د تدریب لپاره د خلیفه صیب سراج الدین حقاني حفظه الله مرکز ته لاړ چا ورته وویل چې شیخ صیب ستاسو زوی…..؟؟؟ ده مبارک ورته وویل چې زه پر دې خوشحال یم چې بچیان مو د الله تعالی د دین د اعلاء لپاره قربانۍ ورکولو ته حاضریږي هیڅ پرې خفه نه یم ما عام او تام بخښلی دی. اوس به نو دا شهامت په چا کې پیدا کړو؟ بالکل حیرانوونکي ده او د صحابه کرامو د غزاګانو تاریخ ژوندی کوي.
اوس خبر شوم چې شیخ صیب حفظه الله له انتخاب پنځه دقیقې وروسته خپل کور ته ننوت او خپلې کورنۍ ته یې وویل چې زه نور ستاسو نه یم بلکې د یولوی مجاهد ملت امانت یم همدغه شیبه زمونږ او ستاسو ترمینځ جدایي راځي یا به د روان سپیڅلي جهاد له بري وروسته سره وینو او یا به د قیامت په ورځ سره وینو، رخصت یې واخیست او پخپلو ورسپارل شویو کارونو پسې ولاړ. الله تعالی دې هر دم حافظ او ناصر شي. د ده مرستیالان هم کټ مټ دا اوصاف لري، مولوي محمد یعقوب صیب خو مې لا ندی لیدلی الله تعالی دې ملاقات رانصیب کړي خو خلیفه صیب سراج الدین حقاني حفظه الله مې یوه ورځ پداسې حال کې ولیده چې تکې تنها د کور پر لور روان و، څو ورځې وروسته مې ملاقات ورسره وشو او دا یادونه مې ورسره وکړه نو په مسکی حال کې راته وویل : ډیرې ورځې کورته نه وم تللی په کارونو کې مصروف وم، دا چې په کوم حال کې کورته لاړم یواځینی وجه یې داده چې زما دنده د اسلام د سپاهیانو مجاهدینو امانت دی او د دې امانت ساتنه زما مسئولیت دی خدای مکړه چې د دې دندې سره بې احتیاطي وکړم کنه شهادت مې یوازینۍ هیله ده.
اوس که دې ته ځیر شو چې د اسلامي امارت مشرتوب کوم مادي امتیاز لري ؟ چې شیخ صیب حفظه الله او نور مشران یې دومره سترو قربانيو ته مجبور کړي ؟! نو پوهیږو چې په ننۍ زمانه کې خو هر سړی له ژونده خوند اخیستو ته لیواله وي ، قدرت او صلاحیت د دې لپاره غواړي چې شخصي غریزې اشباع کړي خو دا کله هم په امارت کې نشته. د اوسنۍ زمانې فرعون اوباما هم له وړاندې اعلانونه کوي چې که د دوی خبره ونه مني نو انجام به یې مرګ وي، خو دا اعلان زمونږ پر مشرانو هیڅ اثر نلري.
هر هغه څه چې شته د اعلاءکلمةالله لپاره د سر قرباني ده. او د سر قرباني ورکول ډیر ستر شهامت او قوي انګیزه غواړي. د ملي وحدت په نوم د حکومت مشران حتی ډیر عادي او ادنی چارواکي د ځان د ژغورنې پخاطر په مرمۍ ضد موټرو کې ګرځي هغه هم له کابله د باندې نشي وتلی که وځي نو یو لوی اوږد قطار د عسکرو ورپسې وي ته به حیران شې وبه وایې چې دا څه دي؟!
د نړۍ د ستر زبرځواک امریکا مشر چې افغانستان ته راځي نو د شپې راځي او هغه هم له بګرامه یوې او بلې خوا ته حتی ارګ ته نه ځي او دا نور متحدین مشران یې چې راځي هم نو یوازې سیدا د خپلو پوځیانو سترو سترو بیسونه ته ځي خو په داسې حال کې ځي چې حتی د افغانستان په اصطلاح جمهور رئیس هم پر خبر نه وي، د خپلو متحدو افغانانو سره هم چې کله لیدل کتل کوي نو خپلو اډو ته یې ورغواړي خو دا هم تر څو چې ور رسیدلی نه تر هغه خبر هم نه وي چې له چا سره لیدنه لري.
زمونږ د مشرانو اولادونه هم په کړو وړو کې د نورو سره فرق لري – د اشرف غني زوی طارق په امریکا کې د یو هوټل شاګرد دی، پاک کاري کوي او لور یې د موسیقي د زده کړو ښوونکي ده هغه چا خبره چې د هنرهای زیبا چارې پرمخ بیایي.
د ډاکتر عبدالله عبدالله لوڼه په هند کې پداسې حال کې درسونه وایي چې هیڅ اسلامي او افغاني کلتورته احترام نلري، د کرکټ شل اوریز نړیوال جام د مسابقو پروخت خو ډاکتر عبدالله یوه لور لوڅ سر او په پتلون کې دلوبې کتلو لپاره هم د تماشاچیانو په منځ کې وګرځوله، همدغه راز یې نور هم درواخله.
خو د شیخ صیب حفظه الله زوی د اعلاءکلمةالله او د هیواد د آزادۍ پخاطر سرښیندونکي برید ته انتظار کوي. او د حقاني صیب حفظه الله اولادونه هم د اعلاءکلمةالله او د هیواد د آزادۍ پخاطر په تاریخي جهادي مبارزه بوخت دي، څلور ژڼي زامن یې پدې پاکه سپیڅلي لاره کې شهیدان، یو یې بیګناه اسیر او دوه یې عملا په سترو جهادي خدمتونو بوخت دي او په کور دننه یې هم د قرآنکریم او نبوي حدیثو تعلیم او تعلم کیږي.
نو اې زمونږ قائده! اې زمونږ امیره! زمونږ دې سر او مال له تا قربان شي! زما عمر دې هم د ستا شي! زما آل او اولاد دې لتا قربان شي! ته چې دومره سترې سترې قربانۍ ورکوې، ته چې دومره ستر شهامت لرونکی یې، ته چې د دنیا له ټولو لذتونو تیریږې ، ته چې پر ځان هره سخته قبلوې نو زما دې سترګې ووځي چې زه به ستا امر نه منم، زه دې هلاک شم چې ستا مسیر به پریږدم.
اوس نو یوه پایله بله هم اخیستی شو هغه دا چې کله د یو نظام مشر له خپلې ټولې کورنۍ سره په دومره لوړه کچه قرباني ورکولو ته اماده وي نو د دې نظام مجاهد او عسکر به څنګه خپل سر او مال نه قرباني کوي، بلکې د قربانۍ میدان ته په خندا خندا ورځي او دادی وینو یې چې هره ورځ د دې نظام اتباع قربانۍ ورکوي خو سنګرونه یې لاپسې تودیږي او غښتلي کیږي.
ځکه خو د نړۍ د ستر زبرځواک مشر اوباما په نا خبره ډول د شپې په تیاره کې تر بګرامه راځي. ځکه خو ستر ستر پوځي جنرالان د شپې په خوبونو کې د دې نظام له مجاهدینو نه په ویره کې وي او د ډاره له کټه پریوځي، ځکه خو لسګونه زره میله لرې د دې نظام د عسکرو رعب پرې پریوتلی دی، ځکه خو خپل شته طاقت ازمایي چې د دې نظام له عسکرو خوندي پاتې شي .
په پای کې یوه جمله لیکم چې د الله تعالی دلارې د مجاهد مشر همدا صفات او خصوصیات وي. رښتیا چې ته یو ریښتینی مجاهد مشر یې.
! الله تعالی دې حافظ او ناصر شه
