جنرال عبدالرازق : د طالبانو له لوري په کندهارحملې زیاتي شوې دي
کابل ټکی کام ۱۳۹۵ چنګاښ ۲۰/ عبدالهادي همت
د کندهارولایت امنیه قومندان جنرال عبدالرازق وايي، د دې ولايت په همسایه ولایتونو كې د جګړو له امله سږ کال د کندهار پر لویدیځو او شمالي ولسوالیوهم د طالبانو حملې زیاتې شوې دي.
د طالبانو دغه حملې د کندهار په ميوند، ژړۍ غورک، خاکريز او شاولي کوټ ولسواليو كې زیاتي شوي دي.
د کندهار امنیه قومندان عبدالرازق وايي، د دغو بریدونو دمخنوی په غرض يې د تېر کال په پرتله سږ کال عملیات ډير کړي دي.
د امنیه قومندان په خبره هغه ولسوالۍ چې هلمند، اروزګان، او زابل ته نږدې دي هره ورځ په کې د امنيتي ځواکونو او وسله والو تر منځ جګړې کېږي او په وینا يې په یادو ولسوالیوکې په هرو دولسو ساعتونو کې يا خو امنيتي ځواکونه عمليات کوي يا هم د طالبانولخواپه ځواکونو بريدونه ترسره کیږي
جنرال رازق دغه راز وايي، طالبانو اوس مختلفې پرمختللې وسلې (سنايپر)تر لاسه کړې دي.
