سرلیکنه
دادرېمه ورځ ده چې نړیوالې رسنۍ په پولنډکې د وارسا د غونډې په اړه افغانستا ن سره دمرستو مسلسل راپورونه ورکوي ، یوشمیر غربي رسنۍ خو دې غونډې ته کمپاین کوي او وايي چې ددې غونډې پریکړې دمنځۍ اسیادهېوادونولپاره د ترروریزم سره دمبارزې یوه ګټوره غونډه ده چې دافغانستان ،عراق ترڅنګ ېې داکراین په اړه ګټورې پریکړې وکړي کوم چې روسېې ترې څه برخه دخپلې خاورې برخه ګرځولې ده .
غربي رسنۍ خو دهمدې هدف (تبلیغاتو) لپاره جوړې کړل شوي دي اما په کابل کې هم یوشمیر له بهره تمویل کیدونکو رسنيو لخوا کټ مټ دغربي رسنیوپه راپورونو شخوند ووهل شو.
دولتي چارواکو دناټو دغړو هېوادونوپه پریکړه چې اشرف غني ا وعبدالله هم پکې ګډون کړی و هرکلی کړی دی او هیله مندي ېې ښکاره کړې ده چې د۲۰۱۷او ۲۰۲۰پورې به راسره د ناټو د ۲۸ غړوهیوادونوچې د وارسا په غونډه کې ېې پریکړه وکړه خپلې مرستې به دوامداره وساتي.
تیره میاشت چې دامریکا دڅار اداري سیګار او یوشمیر نورو بنسټونو دافغانستان دخیالي پوځې تشکیلاتو او دپوهنې په وزارت کې دخیالي پوهنځیو او استادانو راپورونه ورکړل امریکا او د ناټو غړو هېوادونو د افغانستان سره په مرستو د بیا نظر غوښتنه وکړه وې ویل چې افغانستان سره څومره مرستې شوي دي هغه دپوځي لګښت او دپوهنې د ودې پرځاې د چارواکو شخصي جیبونوته تللي دي .
دولت سره د ناتود غړو هیوادونو چې د وارسا په غونډه کې کومه ژمنه وشوه د اټکل له مخې دکال پنځه ملیارده ډالر راځې چې ۳.۵ ملیارده ډالر ېې یواځې امریکا پوره کوي .
د ناټوپه غونډه کې چې عمومي منشي لټنبرګ اود نوروغړوهېوادونو مشرانو کومه پریکړه کړي ده او افغاني چارواکو پرې خوښي وښوده تر۲۰۲۰پورې ېې د افغان حکومت د دوام هیله مندي پیداشوه خو ورسره دا نا امیدي هم تړلې ده چې تر ۲۰۲۰میلادي کال پورې چې دناټو غړي هېوادونه دافغانستا سره مرستې جاري ساتي چې همدا لګښتونه به دمرستو په نامه دجګړې د دوام لامل وي
د روان کال له پیله چې طالبانو په یوشمیر ولایاتو کې خپل بریدونه زیات کړل اوباما د یوشمیر دیپلوماتانواو جنرالانو په غوښتنه په افغانستان کې د مهالویش له مخې خپل پوځونه کم نه کړل او د ۹۸۰۰پوځونو څخه ېې د ۸۴۰۰پوځونو موجودیت په افغانستان کې دحالاتو په نظرکې نیولو سره اړین وباله.
ترڅو چې د ۲۰۱۷ او ۲۰۲۰میلادي کال پورې حالات بدلون کو ي د امریکا لخوابه بیا دوخت په غوښتنه دپوځونوپه شمیر کې زیاتوالی راځي او دا امکان هم شته چې تر ۲۰۱۷ وروسته په افغانستان کې د بهرینوپوځونو شمیره تر ۱۲۰۰۰پورې ورسیږي .
امریکا او ورسره دناتو غړي هېوادونه د یوې خوا په افغانستان کې د طالبانو پخوانی زور له منځه وړی بولي او داعش افغانستان ته په ختیځ کې دماتې په ورکولو سره د بیا سر راپورته کولو وړ نه بولي خو په مطبوعاتوکې تبلیغوی چې طالبان او داعش دواړه افغانستان او سیمې ته لوې ګواښ دي په همدې پلمه په افغانستان کې دخپلو پوځونو حضور څومره چې ېې خوښه وي ساتي .
اوباما د وارسا په غونډه کې دافغانستان راتلونکې دعراق راتلونکې وباله وې ویل چې په افغانستان کې باید دعراق له حالاتو عبرت واخلو او هغه رنګ پیښو د راتلودمخه د افغان پوځ ملاتړ او مرستو ته دوام ورکړو حال داچې په عراق اوافغانستان کې څه پیښږي داکومه تصادفي پیښې نه دي په افغانستان او عراق کې چې څه کیږي دامریکا په مرسته او اشاره کیږي ځکه خو په افغانستان کې دناټو په ملاتړکه هیله مندي شته ورسره په افغانستان کې دجګړې د دوام ، دافغان کډوالو په نوروهېوادونوکې د پاتې کیدو اود سولې او امن د مخنیوي ویره هم شته او همدې ویرې په افغان ولس کې نا امیدي راپیداکړي ده.
