د ایران (SU-24) ډوله الوتکه لوېدلې ده

کابل ټکی کام ۲۰چنګاښ/۱۳۹۵، هلال خاورې
د ایران د هوايي ځواک (SU-24) ډوله الوتکه د دغه هېواد په جنوب کې لوېدلې ده.
تسنیم خبري اژانس خبر ورکړی دی، چې نن سهار د کابل په ۹:۲۰ بجو باندې د فارس ولایت د بحتګان جهیل سره نږدې لوېدلې ده.
خبر وایي، چې پیلوټ ځان غورځولی دی، او په چورلکه کې د ولایت مرکز شیراز ته لېږدول شوی دی.
لومړنی څېړنې ښيي، چې الوتکه د تخنیکي ستونزو له کبله غورځېدلې ده.
د پېښې په اړه تر اوسه پورې نور معلومات نه دي ورکړل شوي، خو لا هم څېړنې روانې دي.