طالبانو ته د کوهستاناتو مرکز او نورې سیمې لاسته ورغلي دي
کابل ټکی کام ۱۱میزان/۱۳۹۴
انصار
د سرپل څخه لاسته راغلو راپورونو کې ویل شوي دي چې د کوهستاناتو د ولسوالۍ مرکز په بشپړه توګه طالبانو نیولی او پکې ټولې جنګي او نقلیه وسیلې د غنیمت په توګه طالبانو نیولي دي.
په راپور کې ویل شوي دي چې د کوهستاناتو د مرکز څخه علاوه یو شمېر نورې سیمې چې طالبانو په دې مسلسل بریدونو ته دوام ورکړ، د دولت څخه طالبانو ته په لاس ورغلي دي.
راپور زیاتوي چې نیول شوې سیمې د پرون سهار څخه پیل تر نن ورځې پورې د جګړې په دوام طالبانو ته لاسه ته ورغلي دي.
د طالبانو یو باوري سرچینې کابل ټکي کام ته ویلي دي چې نن سهار د جوزجان ولایت د خماب ولسوالۍ او ورسره د سیمې پوستې طالبانو ته لاسته ورغلي دي.
د نیولو شویو ولسوالیو او سیمو د نیولو پر مهال طالبانو دولتي ځواکونو ته د سر او مال د درانه تلفاتو خبر هم ورکړی دی.
