کابل ټکی کام ۱۳۹۵چنګاښ ۲۴ بصیراحمدپاڅون
نن سهار د قلات اړوند سپینې غبرګې په سیمه کې د وسلوالو طالبانو او د ملي اردو عسکرو تر منځ نښته رامنځته شوه د نښتې په اوږدو کې د اردو عسکرو بیدریغه د هاوان ګولۍ فائر کولې چې یوه یې په یو کور راپریوته دوه تنه ماشومان یې شهیدان او دښځو او ماشومانو په ګډون یې پنځه تنه ټپیان کړل.
د زابل ملکي روغتون ډاکترانو هم ویلي چې روغتون ته پنځه تنه ټپیان د درملنې لپاره راوړل شوي دي چې روغتیايي وضعیت د ډاډ وړ ښودلی دی.
د سیمې یو تن سپین ږیري اشرف خان وایي چې ډیر ځله چې د اردو عسکرو ته تلفات ورسیږي د امریکایانو په څیر د بې ګناه په کورونو ړندې ډزې کوي او له عامو خلکونه غچ اخلي خبر زیاتوي چې د سپینې غبرګې اوسیدونکې په پیښه سخت خفه او غصه دي او وایي چې دا نه اولینۍ او نه وروستنۍ پیښه ده یوتن د نوم نه نشرولو په شرط وویل چې د حکومت وسلوال ځواکونه قصدا مونږ مجبوروي چې پرخلاف یې وسلې ته لاس کړو او د وسلوالو تر څنګ ودریږو.
د تیر کوچني اختر په لومړۍ ورځ هم د اردو عسکرو د خوست ځینې خیل سیمه کې په یو موټر ډزې وکړې یوه ښځه چې ډاکتر ته یې لیږدوله شهیده کړه او زلمی زوی یې ټپي کړ.
