کابل ټکی کام ۱۳۹۵ زمري۱ بصیراحمد پاڅون
طالبان وایي د عمري عملیاتو په لړ کې یې پرون د خواجه غار ګورتیپې په سیمه کې له پولیسو او اربکیانو څخه ۱۴ پوستې له ګڼ شمیر وسلو او پوځې مهماتو سره نیولي دي.
طالبان وایي پدې جګړو کې چې د پرون ورځې سهار یې پیل کړي او دشپې تر ناوخته یې دوام وکړ زیا شمیر پولیس او اربکیان هم وژلي او ۲ تنه پولیس یې ژوندي نیولي دي، طالبانو د خپلو تلفاتو په اړه ویلي چې یوازې یو تن یې ټپي شویدی.
د تخار ولایتي چارواکو هم د جګړې پخلی کوي او وایي چې سیمې ته یې کومکي ځواکونه لیږلي تر له لاسه وتلي سیمې بیرته له طالبانو ونیسي.
د ګورتیپې په سیمه کې د طالبانو او دولتي ځواکونو تر منځ اوس هم خونړۍ جګړه روانه ده.
د ملي وحدت مشر محمد اشرف غني نن وسلوالو ځواکونو ته امر کړی چې په تخار او کندز کې طالبان له یوې مخې ختم کړي او کندز دتل لپاره د دوی له منګولو وژغوري.
د طالبانو ویاندویانو پدې اړه ویلي چې طالب وسلوال ځواکونه په بشپړه توګه د حکومتي ځواکونو مقابلې ته چمتووالی لري ، ذبیح الله مجاهد د کابل ټکي کام خبریال ته همدا شیبه وویل چې که حکومتي ځواکونه په کندز کې د پراخې جګړې پیل کوي نو اول دې سلګونه تابوتونه د ځانونو لپاره تیار کړي.
