ترکیه: په ماین چاودنه کې ۹ پولیسو ته مرګ ژوبله اوښتې ده
( کابل ټکی کام ۱۳۹۵ زمری ۱۲) زرغون خوږیاڼی
د تركيې ختيځ لور ته د بينګول ولايت په مربوطاتو كې د کوماندويي پولیسو یو موټر په ماین انفجار شوی، چې په کې ۶ پولیس ووژل شول او ۳ نور ټپیان شول.
ترکيې امنیتي چارواکو ویلي: پېښه هغه مهال رامنځته شوه چې د پوليسو د كوماندو د ځواكونو د سپرلۍ موټر د سرك پر غاړه په ځاى پر ځاى شوي ماين باندې وخوت.
ويل كيږي چې ماين د ريموټ كنټرول په واسطه چاودول شوى دى.
د ترکیې امنیتي چارواکو د پېښې پړه د پی کا کا پر وسله والې ډلې اچوي. چارواکي وايي:
د پې كا كا د ترهګرې ډلې منسوبينو په تركيه كې د كودتا د ناكام تشبث نه وروسته په ګټې اخيستلو سره پر امنيتي ځواكونو باندې بريدونه زيات كړي دي.
