کابل ټکی کام فرید احمد
د افغانستان د دفاع وزارت وايي چې د داعش ډلې یو مشر حافظ سعید د امریکايي ډرون په واسطه وژل شوی دی.
د داعش ډلې دغه مشر په ناروا کړنو ظلم سره شهرت موندلی وو.
ویل کیږي چې نوموړی په یوه دره کې له خپلو ملګرو سره راغونډ وو چې د دېرشو ملګرو سره یوځای د ډرون حملې خوراک شو.
د حافظ سعید د وژل کېدو خبر تراوسه څلور ځله خپور شوی دی خو له دې وارې افغان چارواکې په کلکه وايي چې خبر رښتیا دی.
تراوسه پورې نه داعش او نه هم امریکايي ځواکونو د نوموړي د وژل کېدو خبر تاييد کړی دی.
حافظ سعید چې دیني زده کړې نه لري د اورکزو د طالبانو مشر وو چې وروسته له تحریک طالبان پاکستان څخه جدا او داعش ډلې سره یوځای شو.
