د لیبيا يوه جنګي جيټ الوتکه لوېدلې
(کابل ټکی کام ۱۳۹۵زمری ۲۱) الماس خدرخېل
د ليبيا حکومتي چارواکو ويلي چې په سرت ښار کې د دوی يوه جنګي جټ الوتکه لوېدلې، هغوی ويلي چې د الوتکې د پيلوټانو سره يې اړيکې پرې شوي او برخليک يې مالوم نه دی.
د ليبيا يو لوړ رتبه قومندان محمد الغصري رسنیو ته وويل: چې د دي يوې الوتکې د داعش په مرکزونو د بمبارۍ په موخه الوتنه وکړه چې د عملياتو پر مهال يې د سرت ښار په مربوطه ساحه کې سقوط کړی.
ويل کېږي چې تېر کال د داعش ډلې د سرت ښار شاوخوا سيمې ونيولې او د ليبيا حکومت د امريکا په مرسته له درې مياشتو راهيسې په دې ښار عمليات پيل کړي، چې لا هم دوام لري.
