په سعودي عربستان د توغندي بريد شوی
(کابل ټکی کام ۱۳۹۵زمری ۲۷) الماس خدرخېل
د سعودي عربستان د نجران ښار باندې د توغندي بريد د يمن له خاورې شوی، د سعودي نجران ښار چارواکو ويلي، چې بريد د يمن له خاورې د يو توغندي په واسطه شوی، چې پکې لږ تر لږه ۷ نفره وژل شوي.
ويل کېږي، چې په نوموړي برید کې ۴ تنه د سعودي تبع او ۳ تنه يې بهرني وګړي دي. د نوموړي ښار چارواکو رسنيو ته وويل، چې په دې پېښه کې د ځاني زيانونو سربېره، مالي زيانونه هم رامنځته شوي.
د بريد مسؤليت تر دې دمه چا پر غاړه نه دی اخيستی، خو له يو کال راهيسې د سعودي حکومت د يمن حوثي ياغيانو سره په جګړه کې ښکېل دی.
