لوی حنفي عالم او د صفوة التفاسیر مصنف شیخ محمد علي صابوني وفات شو
(کابل ټکی کام ۱۳۹۵ زمری ۲۹) زرغون خوږیاڼی
شیخ محمد علي صابوني په ۱۹۳۰ کال کې د سوريې په حلب ښار کې د شیخ جمیل صابوني په کور کې وزیږید.
نوموړي خپلې لومړنۍ زده کړې د خپل پلار څخه چې هغه هم په حلب ښار کې یو لوی عالم دین و، ترسره کړې، په ابتدايي عمر کې یې د قرانکریم حفظ وکړ، وروسته یې د وخت له سترو علماءو څخه شیخ محمد نجیب سراج، احمد الشماع، محمد سعيد الإدلبي، محمد راغب الطباخ او د محمد نجيب خياطة په لاس دیني او ساینسي علوم زده کړل.
په عصري علومو (کیمیا او فیزیک) کې یې ستره پوهه درلوده. په ۱۹۵۲ کال کې د الازهر جامعې څخه د شریعت له څانګې څخه فارغ شو. په ۱۹۵۴ کې یې د قضاء په علومو کې تخصص وکړ او وروسته سوریې ته ستون شو.
په سوریه کې تر ۱۹۶۲ پورې دلوړیو ښوونځیو د اسلامي کلتور درس ورکولو، بیا سعودي کې د شریعت د کلیې استاد شو، په مکه مکرمه کې د د ښوونې او روزنې د پوهنځي استاد هم پاتې شوی دی.
نومړی په سیمه کې د حنفي فقهې یو ستر مدرس پاتې شوې.
شیخ محمد علي صابوني ۳۳ کتابونه او رسالې لیکلي دي.
نور معلومات وروسته…
