(کابل ټکی کام ۱۳۹۵ وږی ۱۹) زرغون خوږیاڼی
اشرف غني د ټاکنو او د نفوسو د ثبت قانون کې د یو لړ بدلونونو راوستولو وروسته په بریښنايي تذکرو کې د اسلام او افغان کلیمو ذکر کول لاسلیک کړل.
د جمهوري ریاست ویاند وايي، چې ولسمشر اشرف غني د ټاکنو او بريښنايي تذکرو د بدلون مسوده لاسلیک کړې ده او په تذکرو کې د افغان او اسلام کلیمې په ذکر کولو سره به د بریښنايي تذکرو د ویش لړۍ پیل شي.
د جمهوري ریاست ویاند محمد هارون چخانسوري په یوه خبري ناسته کې وویل،چې د ټاکنو او د نفوسو د ثبت او احوال په قانون کې د بدلون لپاره یوه باصلاحیته کمیټه ټاکل شوې وه، چې له یو لړ بدلونونو وروسته د اشرف غني لخوا لاسلیک شوه او ډیر زر به پرې کار پیل شي.
ویاند زیاته کړه چې د بریښنايي تذکرو پيل به دوه اوونۍ نور وخت وغواړي، همدارنګه ویل کیږي چې د تذکرو په نوي ډيزائن کار پیل شوی دی
