افغان کرکټ لوبډلې د هند بحري ځواکونو لوبډلې ته ماتې ورکړه
(کابل ټکی کام ۱۳۹۵وږی ۲۷) الماس خدرخېل
د افغانستان د كركټ ملي لوبډلې لپاره د افغان کرکټ بورډ له لوري تمريناتي سيالۍ برابرې شوې، چې د بنګله دېش په وړاندې چمتووالی نيسي.
افغان لوبغاړو پرون د پنځوس اوريزې سيالۍ په ترڅ کې د هند بحري ځواکونو لوبډلې ته ماتې ورکړه.
افغان کرکټ لوبډلې د پچې په ګټلو سره لوبه پيل کړه، چې سيالې لوبډلې ته يې ۱۹۴منډو هدف وټاکه، خو د هند لوبډلې یاد هدف پوره نه کړ او ټول لوبغاړي يې په ۱۲۹ منډو جوړولو سره وسوځېدل.
د افغان توپ اچوونکو له لوري راشهد ارمان ډېر( ۵) د بحري ځواکونو لوبغاړي وسوزول.
افغان کرکټ بورډ ويلي، چې د تمريناتي سياليو دا لړۍ به د ستمبر تر ۲۰ نېتې پورې دوام وکړي او افغان لوبډله به راتلونکې دوه سيالۍ د ستمبر په ۱۸ او ۲۰ د اترپردېش لوبډلې په وړاندې ترسره کړي.
دوی زياتوي، چې د اترپرديش لوبډلې مشري سريش راينا کوي او په تشکيل کې يې د هند کرکټ ملي لوبډلې يو شمېر نور لوبغاړي هم شامل دي.
