له جګړې څخه تښتېدلی امریکايي عسکر بو برګډال لپاره یوې امریکایي پوځي کمېټې د نه بند غوښتنه کړې ده
کابل ټکی کام ۱۹میزان/۱۳۹۴
احمدالله مهاجر
بو برګډال چې د طالبانو لخوا په یوه جګړه کې نیول شوی وو، وروسته بیا د ۵ تنو لوړ رتبه طالب مشرانو سره تبادله کړی شو، چې په اړه یې د یوې امریکایي پوځي کمېټې لخوا سپارښتنه شوې ده چې د تېښتې په تور باید زنداني نه کړی شي.
د بوبرګډال مدافع وکیل ویلي دي چې د امریکا د پوځ یوې کمېټې سپارښتنه کړې ده چې نوموړي ته دې د تېښتې په تور د بند سزا نه ورکول کیږي.
یو امریکایي پوځي افسر چې د برګډال قضیه څیړي، سپارښتنه کړې ده چې نوموړی دې د پوځ په یوه ټيټه کچه محکمه کې محاکمه کړل شي.
پر بو برګډال د لګول شوي تور سزا عمري بند دی.
خو د ده مدافع وکیل ایوجین فیلډ وایي چې کېدای شي دی په یوه پوځي ټيټه رتبه لرونکې محکمه کې محاکمه کړل شي.
