(کابل ټکی کام ۱۳۹۵ تله ۴) زرغون خوږیاڼی
افغانستان د بنګلادیش په پلازمېنه ډاکه کې له دغه هېواد سره د درې یو ورځېنیو ۵۰ اوریزې لوبو په لړ کې نن لومړنۍ یو ورځينۍ لوبه ترسره کوي.
لومړی د لوبې پچه یا ټاس د بنګلادیش لوبډلې وګټلو او د توپوهنې پریکړه یې وکړه.
بنګلادیش په ۵۰ اورونو کې د ټولو لوبغاړو په سوځیدو سره ۲۶۵ منډې جوړې کړې او افغان لوبډلې ته یې د ګټلو لپاره ۲۶۶ منډې هدف وټاکلو.
په لوبه کې دولت ځدران په۱۰ اورونو کې ۷۳ منډې ورکړې او ۴ ویکټې یې واخیستلې، نوین په ۱۰ اورونو کې ۶۲ منډې ورکړې او ۱ ویکټ یې حاصله کړه، محمد نبي په۱۰ اورونو کې ۴۰ منډې ورکړې او ۲ ویکټې واخیستلې، محمد اشرف په ۱۰ اورونو کې ۵۱ منډې ورکړې او ۱ ویکټ واخیستله، راشد خان په۱۰ اورونو کې ۳۷ منډې ورکړې او ۲ ویکټې یې تر لاسه کړې.
