کابل ټکی کام ۱۶تله/۱۳۹۵، احمدالله مهاجر
له بادغیس ولایت څخه خبري منابع وایي، چې د دغه ولایت د بالامرغاب ولسوالۍ په ماري چاق سیمه کې د پولیسو ۶۵ کسیز کنډک طالبانو ته تسلیم شوی دی.
د خبر له مخې، دغه کنډک هغه مهال طالبانو ته تسلیم شو، چې په یاده سیمه کې دوی د طالبانو تر کلکې محاصرې لاندې وو.
دغه کنډک نن ماښام طالبانو ته تسلیم شوی دی.
تراوسه پورې نه طالبانو او نه هم دولتي چارواکو د دغه خبر په اړه څه ویلي دي.
د یادولو ده، په تېره سپټمبر میاشت کې ۱۲۰۴ دولتي کارکوونکي طالبانو ته تسلیم شوي وو.
