ترکيه: پلازمېنه انقره کې ۲ سرتيري بريدونه شوي
(کابل ټکی کام ۱۳۹۵تله ۱۷) الماس خدرخېل
د ترکيې پلازمينې انقره کې بريدګرو غوښتل، چې سرتيري بریدونه ترسره کړي، خو مخکې له چاودېدلو د پوليسو له خوا محاصره شول.
د انقرې والي رسنيو ته وويل: « لنډه موده مخکې مو د دیار باقر ولایت نه د نوموړو بریدګرو په اړه مالومات ترلاسه کړل، چې يو هېوادال د دوه تنه شکمنو بريدګرو په اړه پوليسو ته خبر ورکړ، وروسته له هغې د بریدګرو د نیولو په هدف عمليات پیل شول او پولیس سیمې ته ورسېدل ياد سرتيري بريدګر يي کلابند کړل. په ترهګرو يي د تسلیم شئ غږ وکړ، خو هغوی چې د تیښتې لار يې نه درلوده ځانونو ته چاودنې ورکړې. »
د ياد ولايت والي وايي، چې د يو تن بريدګر د پېژندپاڼې د موندلو په ګډون يې په سيمه کې ۲۰۰ کيلوګرامه چاودېدونکي توکي او يو موټر هم نيولي دي.
هغه همداراز وويل، چې بريد کوونکي درې تنه و او د يو کس پسې يې د لټون عمليات پيل کړي دي.
والي وايي دا لا معلومه نه ده، چې د بريد کوونکو هدف څوک او کوم ځای و، د رسنيو له قوله چې بريد کونکي د پي کاکا ډلې سره اړيکې درلودې.
د يادونې ده، چې تېر کال هم همدې ورځو کې د انقرې د ريلګاډو په تم ځای کې سرتيری بريد شوی و، چې سلګونه تنو ته پکې مرګ ژوبله اوښتې وه.
