کابل ټکی کام ۱۸تله/۱۳۹۵، احمدالله مهاجر
له ننګرهار ولایت څخه خبري سرچینې خبر راکوي، چې د جلال اباد ښار د عبدالحق مېنې اړوند سیمه کې چاودنه شوې ده.
خبر وايي، چاودنه پر یو رېنجر موټر ترسره شوې ده.
سرچینه وايي، د چاودنې پر مهال د کوټ ولسوالۍ د پاڅونوالو قومندان حاجي حیات خان هم له سیمې څخه د تېرېدو په حال کې وو.
خو تراوسه پورې څرګنده نه ده، چې د چاودنې موخه څوک وو؟
د ننګرهار ولایت د والي ویاند عطاءالله خوږیاڼي هم د رسنیو له لارې د دغه خبر په تأیید کې وویل، چې په رېنجر موټر کې دوه پولیس ټپیان شوي دي.
تراوسه پورې د چاودنې په اړه دا معلومات نه دي ورکړل شوي، چې چاودنه د سړک د ماین له کبله رامنځته شوې او که په رېنجر کې چاودېدونکي توکي ځای پر ځای شوي وو.
