دوستم د غورماچ ولسوالۍ د بیرته نیولو لپاره فاریاب ته لاړ
(کابل ټکی کام ۱۳۹۵ تله ۲۱) زرغون خوږیاڼی
وروسته له هغه چې تیره ورځ وسله والو طالبانو د فاریاب ولایت د غورماچ ولسولۍ د نیولو خبر ورکړ، د جمهوري ریاست لومړی مرستیال عبدالرسید دوستم فاریاب ولایت ته د غورماچ د ولسوالۍ د نیولو او د طالبانو د حملو د مخنیوي لپاره فاریاب ولایت ولاړو.
ویل کیږي چې د ولسمشر اشرف غني په خاص فرمان سره دوستم فاریاب ولایت ته د تللو تکل وکړ.
غورماچ ولسوالۍ چې مخکې د بادغیس ولایت مربوط وه اوس د ځینو امنیتي مشکلاتو له مخې یاده ولسوالۍ په فاریاب ولایت پورې تړل شوې ده، چې د فاریاب او بادغیس ولایتونو چارواکو هم د غورماچ ولسوالۍ سقوط تایید کړه\.
ځايي امنیتي چارواکو ویلي دي، چې د غورماچ ولسوالۍ په مرکز کې مېشتو پولیسو په غورماچ کې د اردو ځواکونو یو کنډک ته شاتګ کړی او ولسوالي یې طالبانو ته ورپرې ایښې ده.
تیره ورځ د فراه ولایتي چارواکو خبر ورکړ، چې د فراه ولایت مرکز خواته جګړه نږدې شوې ده او د ښار دسقوط په اړه یې اندیښنې وښودلې.
د ملګرو ملتونو د بشر د حقوقو سازمان هم په یوه راپور کې وویل چې د دوستم ملیشو په فراه او فاریاب ولایتونو کې عام وژنې کړي دي او هم یې د عامو وګړو کورونه چور او تالا کړي، چې په غوښتنه يې باید دوستم یې په اړه محاکمه شي؛ خو دوستم بیا دا ډول تورونه رد کړي وو.
