واشنګټن پوسټ: افغان ځواکونه په ځینو سیمو کې د طالبانو سره د جنګ اراده نه شي کولای
(کابل ټکی کام ۱۳۹۵ تله ۲۷) زرغون خوږیاڼی
واشنګټن پوسټ د «د زخم پر مخ پانسمان» تر عنوان لاندې یوه لیکنه خپره کړې ده، چې په کې یې لیکلي دي:
هغه څه چې په دې ورځو کې امریکايي ځواکونو په افغانستان کې کړي، د پانسمان په څیر دي چې د افغانستان د ټپي شوو عسکرو په زخمونو یې ایږدي.
واشنګټن پوسټ لیکلي، چې کله چې طالبانو په هلمند ولایت حمله وکړه، افغان ځواکونو د امریکا د هوايي ځواکونو مرسته وغوښته، چې د امریکا هوايي ځواکونو هم په بیړه د هلمند په اسمان پروازونه پیل کړل او د طالبانو پر لیکو یې بمباري وکړه.
په لیکنه کې ویل شوي، دې کار طالبانو ته وښوده چې اوس هم امریکا په افغانستان واک او شتون لري.
واشنګټن پوسټ زیاتوي، چې د طالبانو په لویو بریدونو کې، د امریکا۸۰۰ میلیون ډالر د افغان پوځ لپاره چې هم د رهبرۍ، پوځي تکتیکونو او تجهیزاتو کې په لګښت رسیږي او لا د کمي سره مخ دي، په ځینو سیمو کې افغان ځواکونه د طالبانو سره د جنګ اراده نه شي کولای او هغه څه چې په دې ورځو کې پيښ شوي یوه بیلګه ده.
لیکنه وايي، افغان پوځ د امریکا د پوځ سره سره د راتلو نکي لپاره کومه ستراتیژي نه لري، په کومو سیمو کې چې طالبان په حکومتي عسکرو برید کوي د امریکا هوايي ځواکونه د افغان پوځ ملاتړ کوي، چې دا ملاتړ په اصل کې د ټپونو پرمخ د پانسمان کیښودل دي.
