ماریا زخاروا: د امریکا لخوا په افغانستان کې د ملکي وګړو وژنه د اندیښنې وړ ده
کابل ټکی کام: لړم ۱۰ مه، ۱۳۹۵ل ( بصیراحمد پاڅون
د روسیې د بهرنیو چارووزارت ویانده (ماریا زخاروا) وایي چې په تیرو ۹ میاشتو کې د امریکا او ناټو د پوځي عملیاتو په ترڅ په افغانستان ۲۵۶۲ تنه ملکي وګړي وژل شوي او ۵۸۳۲ تنه ټپیان شوي دي چې په دې کې زیات شمیر ښځې او ماشومان هم شامل دي.
د امریکې او روسیې تر مینځ په دې نږدې وروستیو کې اړیکې زیاتې ترینګلي شوي دي خو مالومه نه ده چې روسیې ولې په افغانستان کې د ملکي تلفاتو ارقام خپاره کړي دي.
سیاسي شنونکي وایي : که د امریکایانو له خوا په افغانستان کې په ډله ایزه توګه ملکي وکړي وژل کیږي نو روسیې هم په سوریا کې د مسلمانانو عام وژنه پیل کؤي ده او هره ورځ د خونړیو بمباریو په ترڅ کې له څیرمه ملکي وګړي وژني.
خو د روسیې د بهرنیو چارو وزارت له خوا په افغانستان کې د ملکي وګړو د وژنو ارقام خپریدل دا ښیي چې روسیه په تدریجي ډول غواړي په افغانستان کې د امریکا او ناټو سره مقابله پیل کړي.
سیاسي شنونکي وایي چې امریکا او روسیه دواړه د مسلمانانو د وژنې په اړه په یو ردیف کې قرار لري. مګر امریکا نور له افغانستان څخه د پښو سپکولو په درشل کې ده او روسیه غواړي امریکا په افغانستان کې ښکیل او وځپي.
چې په دې جګړه کې به یوځل بیا افغانان دل کیږي.
