کابل ټکی کام ۱۳۹۵ لړم۱۰ عبدالهادي همت
دنړیوال بانک څیړنو ښودلې ده چې افغانستان د تجارت لپاره خطرناک هیواد دي
نړیوال بانک په خپل راپورکې ویلي په آسیاکې افغانستان د تجارت اوسرمایې لپاره خطرناک ترین هیواد دی
دنړیوال بانک د راپور لمخي نوی زیلاند د سرمایې او تجارت لپاره ښه هیواد دی ورپسې په دوهمه درجه کې سنګاپور،ډنمارک، هانګ کانګ،جنوبي کوریا، ناروې،بریتانیا، دامریکا متحده ایالات ،سویدن،او مقدونیه
سومالیا،ایتریا،لیبیا، ونزئلا،جنوبی سوډان، مرکزي افریقا،کانګو،افغانستان، انګولا،هائتی،اوچاد داهیوادونه هغه دي چې د تجارت اوسرمایې لپاره نامناسب اوله خطره ډک دي
داپه داسي حال کې ده چې څه موده وړاندي د نړیوال عدالت پروژې(World Justice Project) په یوه څیړنه کې ویلي و چې افغانستان د نړۍ په درېيم نمبر کې قانون ماتونکی هیواد دی.
د نړیوال عدالت پروژې دا څيړنه د نړۍ په ۱۱۳ هېوادونو کې کړې وه، چې په هر هېواد کې له سل زرو کسانو څخه څلویښت پوښتنې کوي.
په قانون ماتوونکو او بې قانونه هېوادونو کې لومړی وینزویلا دویم کمبودیا او درېيم افغانستان دی، چې ورپسې مصر، کامرون، زمبابوې، ایتوپیا، پاکستان، یو ګنډا او بولیویا دي.
