جرمني چاپېریال ته غیر مضر رېلګاډی جوړ کړی
کابل ټکی کام ۱۲لړم/۱۳۹۵، احمدالله مهاجر
د جرمني (Die Welt) نومي ورځپاڼې په خپل تازه راپور کې ویلي دي، چې جرمني د سې شنبې په ورځ داسې رېلګاډی نندارې ته وړاندې کړ، چې چاپېریال ته هېڅ زیان نه رسوي.
د ورځپاڼې د راپور له مخې چې دغه رېلګاډی د فرانسې د (Alstom) کمپنۍ په غوښتنه جوړ شوی دی.
«د فرانسې الستوم کمپنۍ له جرمني څخه د دا ډول ۱۴ رېلګاډو غوښتنه کړې وه او ویلي وو، که کامیاب شول نور به هم اخلي.»
د دغه رېلګاډي انرژي د اوبو بخار دی.
دغه رېلګاډی به د روان کال په ډسمبر میاشت کې وازمویل شي.
د دغه رېلګاډي له ځانګړتیاوو څخه یوه دا هم ده، چې په هر ساعت کې د ۸۷ میله سرعت په طی کولو سره ۵۰۰ میله کوچ کولی شي.
هالنډ، ناروې او ډنمارک هم د دغه ګاډي اخیستلو ته لېوالتیا ښودلې ده.
