کابل ټکی کام(۱۳۹۵ لړم ۲۳)الماس خدرخېل
ټاکل شوې ده، چې نن د افغانستان د فوټبال ملي لوبډله د تاجکستان د فوټبال له ملي لوبډلې سره په پلازمېنه دوشنبه کې يوه دوستانه سيالي ترسره کړي.
ويل کېږي، افغان لوبغاړو د دوشنبې ښار د فوټبال په لوبغالي کې د تيارۍ په موخه تمرينونه پيل کړي دي.
نوموړې لوبه به د کابل پر وخت د ماذیګر په درې نيمو بجو پېليږي.
په دغه سيالۍ کې د افغان ملي ټيم روزونکی پيټرشيکريټ د ټيم د لارښوونې لپاره ورسره نه دی تللی، خو د ياد ټيم کفتان فيصل ښايسته وايي، چې په ملي ټيم به د نوموړي نه راتګ کوم اثر نه وي او دوی تمه لري چې لوبه د تاجکستان له ملي ټيم نه وګټي.
له دې وړاندې د تاجکستان د فوټبال ملي ټيم افغان لوبډلې ته څلور واره په ځانګړو دوستانه سياليو کې ماتې ورکړې ده.
