کابل ټکی کام ۳۰لېندۍ/۱۳۹۵، حمزه عابد
د پکتیا ولایت د احمدآبا ولسوالۍ په یمتخېلو سیمه کې محلي پوليسو “اربکیانو” د یو كمین په ترڅ کې یو ځوان زدکړیال په ډزو سره شهید کړی دی.
نوموړی ځوان نورالله نومېده او تازه له زده کړو څخه کور ته راګرځېدلی وو.
نورالله د رود د سیدخېلو اوسیدونکی وو او سږکال یې د فراغت کال وو، خو د اربکیزم د ناولې پروژې له خوا یې د علمي ذوق نیمګړي ارمانونه د تل لپاره له خاورو سره خاورې شول .
د سیمې اوسېدونکي وايي، چې د نورالله مړی د ولسوالۍ پولیسو خپلې کورنۍ ته نه ورکاوو، خو د سیمه ییزو مشرانو په وساطت یې مړی کورنۍ ته وسپارل شو.
د یادونې وړ ده، د پکتیا په یاده ولسوالۍ کې دا لومړی ځل نه دی، چې په دیني زدکړیالانو بریدونه کیږي، تر دې وړاندې هم علما، محصلین او زدکړیالان د محلي اربکیانو له خوا په نښه کیږي . خو نه کابل مېشتو رسنیو او نه دولت د دغې پېښې په اړه څه ویلي دي.
