(کابل ټکی کام ۱۳۹۵ مرغومی ۱۵) زرغون خوږیاڼی
د پاکستان په ډيره اسماعیل خان سیمه کې د پولیسو په یو موټر د سرک د غاړې ماین چاودنه شوې، چې پکې ۱۹ تنه ژوبل شوي دي.
ځايي پولیسو رویټرز ته ویلي، چې په چاودنه کې ۴ پولیس افسران او ۱۵ نور عام و ګړي ټپیان شوي دي.
د سیمه ییزو پولیسو مشر محمد نواز وايي، چې نن د چهار شنبې په ورځ په قبایلي سیمه ډيره اسماعیل خان ښار کې په پولیسو بمي برید شوی دی.
تر اوسه چا ددې برید مسئولیت نه دی منلی.
د پاکستان د پوځ په دې وروستیو کلونو کې د هیواد په قبايلي سيمو کې د کورنيو او بهرنيو وسله والو پر وړاندې چاڼیز عملیات ترسره کړي دي، چې د پوځ په وینا، په سلو کې ۹۰ سلنه سیمه یې له وسله والو پاکه کړې ده.
