(کابل ټکی کام ۱۳۹۵ مرغومی ۱۵) زرغون خوږیاڼی
په ارزګان ولایت کې یوه ښځینه پولیسه وژل شوې، ځايي پولیسو ویلي، دغه ښځینه پولیسه مروا نومیدله چې په غاړه کې زندۍ شوې ده.
د ارزګان ولایت چارواکي وايي، چې نوموړې پولیسې تیره ورځ له خپل خاوند څخه د طلاق غوښتنه کړې وه او ددې لپاره د ولایت مقام ته هم ورغلی وه، چې نن یې مړی موندل شوی دی.
د ارزګان مرستیال والي عبدالواحد پتنګ ویلي، چې د ښځینه پولیسې د قتل په تور یې میړه نیول شوی دی، خو تر اوسه نه ده روښانه چې میړ یې قاتل دی او که نه، د نوموړي په وینا یادې پولیسې درې ماشومان هم درلودل.
ویل کیږي، چې د مروا په نوم دغې ښځینه پولیسې له تیرو څو کلونو راهیسې د ارزګان ولایت په امنیه قومندانۍ کې دنده ترسره کوله.
چارواکو نه ده روښانه کړې چې دغې میرمنې له خپل میړه څخه په کوم لامل د طلاق غوښتنه کړې وه؛ خو د شنونکو په اند د نارینه و سره د ښځینه و ګډې دندې کولی شي دغه ډول پیښې رامنځته کړي چې ښځینه و ته بیا د بل د خولې مړۍ خوږه ښکاري.
